منتدى قبيلة الجحيش الرسمي
السلام عليكم
المنتدى صمم لخدمتكم سارعو بلتسجيل
منتدى قبيلة الجحيش الرسمي


يهتم بكل مايتعلق بكل المعلومات عن قبيلة الجحيش الزبيدية بالعراق والوطن العربي
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 اكليب شب النـار ياكليـب شبـه

اذهب الى الأسفل 
كاتب الموضوعرسالة
Admin
Admin
avatar

عدد المساهمات : 144
نقاط : 385
تاريخ التسجيل : 21/05/2011

مُساهمةموضوع: اكليب شب النـار ياكليـب شبـه   الثلاثاء يوليو 19, 2011 1:25 pm

ياكليب شب النـار ياكليـب شبـه
عليك شبة والحطب لـك يجابـي

وعلي أنـا ياكليـب هيلـه وحبـه
وعليـك تقليـط الـدلال العذابـي

وادغث لها ياكليب من سمر جبـه
وشبة الي منه غفـى كـل هابـي

باغـي ليـا شبيتهـا ثــم قـبـة
تجلب لنـا ربعـا سـراة غيابـي

بنسريـةً ياكليـب صلفـا مهـبـه
لاهب نسناسـه تقـل سـم دابـي

سـراة بليـل وناطحيـن مهـبـه
متكنفيـن وشوقـهـم بالعـذابـي

الوالمـة ياكليـب عجـل بصبـه
والرزق عند اللي ينشى السحابـي

صبـة لقرمـا صرفتـه ماحسبـه
يوم البخيل مكنهب الوجـة هابـي

وصبة لمنعوريـن ليـا جـاة نبـة
يرخص بعمره والدخل لها ضبابي

وعدة عن اللي مايـداري المسبـه
اللـي يـدور بالقصيـر الغيابـي

عن الطيب عده نـازلا لـه بغبـه
يضرب علي درب الخطا مايهابي

لا باطن الهلبـاج خطـوا الجلبـة
يا حلو خبـط عصيهـم بالركابـي

أطمر لهم وأبـدي سـلام المحبـه
لا جو على هجناً يديهـم خرابـي

سلام أخلى مـن شخاليـل جبـه
وأحلى من السمن الجديد العرابـي

مع كبشً مصـلاح راسـه نجبـه
لا أدبـر الهيـن متيـن العلابـي

خطو الولد يـوم الملاقـي نكبـه
يأتي علينا من حسـاب الزهابـي

وحتى يش لو يلبس وبينن وجبـه
معيـرة علـى غضيـر الشبابـي

أنا لقيـت الصبـر يازيـن غبـه
يرقيك رؤوس مشمرخات الهضابي

من لاصبر ياكليب في حكم ربـه
هذاك يـوم البعـث مالـه ثوابـي

يقولها اللي مـا حسـب المسبـه
ولا عرقل الاجواد ببعض الهلابي

هذا هـوى بالـي وهـذا مطبـه
من قبل مايسفـح علينـا الترابـي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alguhayeesh.forumarabia.com
 
اكليب شب النـار ياكليـب شبـه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى قبيلة الجحيش الرسمي  :: منتدى الشعر العام-
انتقل الى: