منتدى قبيلة الجحيش الرسمي
السلام عليكم
المنتدى صمم لخدمتكم سارعو بلتسجيل
منتدى قبيلة الجحيش الرسمي


يهتم بكل مايتعلق بكل المعلومات عن قبيلة الجحيش الزبيدية بالعراق والوطن العربي
 
الرئيسيةس .و .جبحـثالأعضاءالمجموعاتالتسجيلدخول

شاطر
 

 قصيدة للشاعر أحمد عبدالله الجبوري

اذهب الى الأسفل 
كاتب الموضوعرسالة
Admin
Admin
Admin

عدد المساهمات : 144
نقاط : 385
تاريخ التسجيل : 21/05/2011

قصيدة للشاعر أحمد عبدالله الجبوري  Empty
مُساهمةموضوع: قصيدة للشاعر أحمد عبدالله الجبوري    قصيدة للشاعر أحمد عبدالله الجبوري  I_icon_minitimeالثلاثاء يوليو 19, 2011 1:19 pm

قصيدة
للشاعر أحمد عبدالله الجبوري

سبحان خلاگ المخاليج سبحــان
الواحد اللي له المخلوق سبحــن
وأثني صلاة الله عالنبي العدنـان
العنوا سايات المحاذر تعــــــدن
من بعدها أنگول عن حال الأوطان
منهو اللي عاف البيت منهو الأستوطن
وثوب الستر مشگوك من كل الأركان
والبيت ما ضل بيه ياحيف مركـــن
ألعراق يادار المعزة وعنـــــــوان
عيب علينا على غير يتعنـــــــــون
أحنا هلك يعراق واحنا لك بنيـــان
والجه هديفة على أدياره يتبيــــن
والجه هديفة يريد گضبة السكـان
وأحنا على أم روس الهديفة يتسكن
لا والذي چذب أحساب هامـــــان
أحنا اهلها ولا غيرو يتهيمــــــــــن
يا ناس هذا العيب بين يعربـــــان
وإن ما گطعنا العيب معد أنتعربن
وشوفوا علينا شلون عچل الدخان
بيتنا من يطفيه والبيت دخـــــــــن
تكالبت من كل زيج ورگعــــــــان
وش يرجعن ورانا ويرجعــــــــن
وعيب علينا أنگول چان أبـن علان
العگل براس ابو الغيرة يتعلـــــن
من راد علم الطيب ينحر الميــدان
والا سوالف گبل ياناس ولــــــــن
أستلحجوا وطنكم بيش ما چـــان
هذا وطنكم يالربع فوگكم چــــن
غربل التاريـــــــــــخ ببلادنا وبان
حب اليخبــــــــز والزوان بيــــــن
أرد أفزعكم وأقز رايات يخــــوان
ورايد هروش المعادين خــــــون
لا يا ضنى عدنان يا ضنى قحطـان
فوگ المتن هم العراق حطـــــن
وين النشامى وينكم يا هل الشان
اليوم بان الحقد والحرب شــــــن
وهبت علينا يالربع گوم عربـــــان
ومن دزهم جرثوم للعرب عـدون
ورادوا يدموننا برمال كثبـــــــــان
ولنا صفحات المذلــــــــــة يكتبن
ها يالعراقيين ميحانكم حـــــــان
وين الينفظ أغبارها عن الوطن حن
وين العراق اليذكر شچان رضعان
ولد أمهات الذي هذا يرضعن
وهذي دار العرب يا رفاگة بوجدان
وگلي مثل اديارنا وين وجدن
وحگها علينا واجب وفرض قرآن
وأنخلي دولات چثيرة يقرن
واجب علينا نظهر بصوت بركان
أخير ما نضرب بالسواعد عالركن
وأنضاعت الفرصة ترانا بخسران
ولا خير بجموع أنذلن وخسرن
وشلون نرضى بهدايف الگومان
للهم زعامة ونصبح أرداف گومن
سجل لكم تاريخكم سابج ازمان
وحگ مثل ذاك اليوم اليوم يزمن
لا يا جموع الخير نطاحت الدان
خيطوا أجروحن هاضن اليوم وأدن
وصارت كسيرة وعند الأبواب ننهان
مع الأسف ما نفرگ الهم والهن
وأنجان همكم فوگ الهموم شگبان
وعفية على رجل تنحى وشگبن
وين العراقيين فرحة الصبيان
ولو راح وكت العوز تلفيك صبين
وين العراقيين بالعزم فيضان
وأجموعهم لو جت عالحرب فيضن
وين العراقيين يالهب يادان
بيكم أنهاوز يوم الجموع هدن
وين العراقيين يا صدر ديوان
اليوم يوم خيولكم لو تداون
وين العراقيين لو صار الأمحان
هذا هو يوم الملاگة والمحن
وين العراقيين يذياب سرحان
ليش ترضون أديارنا يستحلن
ورفرفت راياتكم بين الأعيان
وچم قائد زحزيح بيها تعين
ياما العراقيين من گبل فرسان
رصاصهم بالكون بالعدو فرسن
وين العراقيين يا شفى الضميان
أنا اشهد ان سيوفكم ما أنظمن
أنا أشهد انكم يومن الوطس حميان
أخيولكم بالطراد غارن وحمين
والبيه غيرة ما رضى بحضنا الفان
ولازم أعلوم المسرات يلفن
وعيب أنتغيب وأحنا أهلها يالأخوان
وأنخاف من گولت هذا تخون
وهذي جمعتنا على الله ألمستعان
وكل الفضائيات بالخبر سمعن
وصلاة ربي عالنبي سيد الأكوان
بعداد ما بالأرحام طفل تكون
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alguhayeesh.forumarabia.com
 
قصيدة للشاعر أحمد عبدالله الجبوري
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى قبيلة الجحيش الرسمي  :: منتدى الشعر الدرامي-
انتقل الى: